Sagtebal

Sagtebal

Sagtebal is ‘n opwindende sport waar elke wedstryd ‘n uur en ‘n kwart duur. Dit is baie soos Bofbal, behalwe die gooier se aksie, die groter bal wat ons gebruik en die kolf wat ons gebruik wat Aliminium is.


Organiseerder: Herman Bester Afrigters: S.19 – Charlene Kruger en Chante vd Merwe.

S.16 – Cynthia v Niekerk/Theo Bouwer

S.15 – Zander Erasmus

S.14 – Dewald Potgieter

D.19 – Werner Gibson

D.16 – Leanie Joosten

D.15 – Alicia Raats

D.14 – Herman Bester

Elke speler doen veldwerk met ‘n handskoen(Mid). Ons speel ook met ‘n langbroek(sterk materiaal) omdat ons soms na sakke gly om veilig te kom in ‘n poging om lopies aan te teken. Sodra ‘n span ses lopies aangeteken het, of drie spelers uit is, ruil die spanne kante en kolf die ander span nou weer.

‘n Wedstryd duur tussen 3 en 7 kolfbeurte. Die drie basiese maniere hoe jy uitgehaal kan word, is om iemand uit te vang, uit te “strike” deur die gooier(3 ”strikes” in jou kolfbeurt) en om uitgeraak(ge-“tag”) te word met die bal, sou jy nie op ‘n sak wees nie. Jy kan ‘n “home-run” aanteken sou jy die bal ver slaan en reg-om oor aldrie sakke hardloop tot weer by die tuisplaat voordat die bal weer ingegooi is.Daar is nege spelers in die span, met gewoonlik drie tot vier reserwes.

Die twee spesialis posisies is die van die gooier en die vanger. Die liga vind hoofsaaklik plaas in die derde kwartaal, terwyl die uitspeelwedstryde om die kampioene te bepaal, in die eerste twee weke van die vierde kwartaal plaasvind. Ons skool speel in die Tshwaneliga vir groter skole – dit word die Kampioene-afdeling genoem. 0ns het seuns- en dogterspanne in al die ouderdomsgroepe, nl 0/14; 0/15; 0/16 en 0/19. Elke jaar word daar provinsiale spanne by die 0/15 en 0/19’s gekies. Hul neem dan aan die S.A.Toernooi deel wat om die beurt in Pretoria, Durban en Kaapstad plaasvind tydens die eerste week van Desember.


Personeel


Mnr. H. Bester


Terug